العودة   الموقع الرسمي لقبائل بني عُقيل - عكيل > المنتديات الخاصة بقبائل بني عُقيل العامرية > منتدى قصائد وأشعار بني عُقيل
 
 

آخر 10 مشاركات
الموضوع الكاتـب آخر مشاركة مشاركات المشاهدات
خدمات منزلية
الوقت: 03:50 PM - التاريخ: 03-06-2020
0 3

الموضوع الكاتـب آخر مشاركة مشاركات المشاهدات
نسب عبدالله المقدام القيسي من بني عقيل بن كعب بن ربيعة بن عامر بن صعصعة
الوقت: 01:17 PM - التاريخ: 03-06-2020
4 931

الموضوع الكاتـب آخر مشاركة مشاركات المشاهدات
مواعيد مباريات كأس الاتحاد الإنجليزي
الوقت: 01:14 PM - التاريخ: 03-06-2020
1 55

الموضوع الكاتـب آخر مشاركة مشاركات المشاهدات
احمى نفسك من فيروس كورونا طاقيا
الوقت: 01:12 PM - التاريخ: 03-06-2020
1 39

الموضوع الكاتـب آخر مشاركة مشاركات المشاهدات
عبدالله المقدام القيسي من بني عقيل
الوقت: 01:11 PM - التاريخ: 03-06-2020
0 7

الموضوع الكاتـب آخر مشاركة مشاركات المشاهدات
احذروا من الدجال عبدالرحمن الطيب
الوقت: 12:53 PM - التاريخ: 03-06-2020
1 23

الموضوع الكاتـب آخر مشاركة مشاركات المشاهدات
خدمات المنزل اسهل مع عاملاتنا
الوقت: 03:15 PM - التاريخ: 02-06-2020
0 14

الموضوع الكاتـب آخر مشاركة مشاركات المشاهدات
Mena-Trader.com الدليل العربي للخيارات الثنائية وكيفية النجاح 2020
الوقت: 04:28 AM - التاريخ: 01-06-2020
0 37

الموضوع الكاتـب آخر مشاركة مشاركات المشاهدات
افضل الخدمات المنزلية
الوقت: 09:48 PM - التاريخ: 31-05-2020
0 30

الموضوع الكاتـب آخر مشاركة مشاركات المشاهدات
الحذر من المدعي المشعوذ الروحاني عبدالرحمن الطيب
الوقت: 10:31 PM - التاريخ: 30-05-2020
0 48


إضافة رد
 
أدوات الموضوع انواع عرض الموضوع
قديم 30-03-2020, 12:26 PM   المشاركة رقم: 611
المعلومات
الكاتب:
اللقب:
مشرف (منتدى قصائد وأشعار بني عُقيل) ومشرف (المنتدى الشعري العام)

البيانات
التسجيل: May 2016
العضوية: 2269
المشاركات: 613
بمعدل : 0.42 يوميا

التوقيت

الإتصالات
الحالة:
الشاعر محمد ضاحي العكيلي غير متواجد حالياً
وسائل الإتصال:

مـجـمـوع الأوسـمـة: 2

وسام العضو المميز

وسام الشاعر المتميز



 

كاتب الموضوع : الشاعر محمد ضاحي العكيلي المنتدى : منتدى قصائد وأشعار بني عُقيل
افتراضي

مساجلة الغربيل الشاعر محمــــــــــد الضاحي
.............................................
1 - قلت أولا
كف اترك الغربيل بطل ولك هيد
الما ثبت وياك يوفيلك تريد
محمــــــــــد الضاحي ✍

2 - وقلت ايضا
حط روحك بغربال ونخل بل هموم
لن مامش أمن عضاك يوفيلك اليوم

3 - وقلت ايضا
ليش اگره الغربيل فنكم تردون
لن ذرب ماظل بيه وينشف العيون

4 - وقلت ايضا
ليش اگره الغربيل فنكم تردون
طاح الچنت تنخاه يفزعلك بگون

5 - وقلت ايضا
ليش اگره الغربيل فنكم تردون
الاخو الچان البيه تالي أصبح يخون

6 - وقلت ايضا
ليش اگره الغربيل فنكم تردون
لن طاحو المفروض چانو يوافون

7 - وقلت ايضا
لا تهز بعد غربيل يمحمد ارجاك
امحلت ماضلاش كل واحد وياك

8-وقلت ايضا
ضميته حفنه سنين طلعته مره
غربيلي مايهداش سواله عره
محمــــــــــدالضاحي ✍

9-أبدع الأخ الغالي
ليش أكره الغربيل فنكم تردون
غربلت بيه اعزاز رد بس العيون
ابو مصطفى الصالحي

10-أبدع الخال
يفتر علي شيريد لازمله غربيل
والدهر ماخلاش هز ربعي بالليل
ابو وليد الشويلي

11-أبدع الغالي
غربلت باالصدگان المنهم اصحاح
طاحو الف ياحيف هيـﭻ من الاصفاح

12 - أبدع الغالي
غربلت مو صدگان غربلت اخوتي
المنتكل انه اعليه يتمنى موتي

13 - أبدع الغالي
ربعي انه مظبوطين من غربلتهم
ماطاحو. اعله الگاع طارو شفتهم

14 - أبدع الغالي
غربلت باالصدكان ربع الربع ضل
والربع منهم ضال مابيه الافضل

15 - أبدع الغالي
غربيلي وكت الضيج مااريد اهزه
خافن يطيح بساع ذاك الاعزه
سلام جباري الصيادي

16-أبدع الغالي الخال
خلف الله عل الغربيل صفالي الحتات
...لاينفع بغزلات ..طاويته حسجات
الحاج كريم الساعدي الصخراوي

17-أبدعت الأخت
حطيتة بالغربيل كلمن كلت زين..
غربيلي ما مزروف جا طاحو منين...

19-أبدعت الاخت
ما راح أهل غربيل خايف اهزة. ..
من عندة راح يطيح وين الاعزة. .
شيخة وبنت شيوخ

19-أبدع الغالي
طاحتلي كومه اصحاب منك يغربيل
وكل هذا ماكوليش انت الـ تره تعيل
احمد آل احمد وذاح

20-أبدع الغالي
غربلت بالغربيل ربعي واخوتي
طاحو الف ياحيف جانو نخوتي
حسين الشذراوي

21-أبدع الغالي
ماهزه انه الغربيل ماريداهزه
خافن تكع خلان ليهم معزه
ابو مصطفى الكوتي

22-أبدع الغالي
حيل اكره الغربيل ماكظه بيدي
جي ربعي يم شمات نعلو جديدي

23 - أبدع الغالي
غربيلي ازغيرون وصدكاني هواي
منكم اريد الشور عدكم الي راي

24 - أبدع الغالي
ماكض بعد غربيل ماغربل اخوان
مثل اليكول ابصيف خويه انه بردان

25 - أبدع الغالي
غربلني انه الظيم وشتد هواها
ادنيه بيه اتحوس شامت وراها

26 - أبدع الغالي
يابويه مو غربيل غربلني وكتي
ونوبه حط سجين حته بركبت

27 - أبدع الغالي
شنهوه الغربيل وتهز يبو فلان
من ربعك اشخليت تمشي ويعميان

28 - أبدع الغالي
غربل بربعك حيل لا تامنلهم
ربعي انه اثنيوين حصلت منهم

29 - أبدع الغالي
صبحت للغربيل ياروحي هيدي
ياهو الاحطه يطيح من هزت ايدي

30 - أبدع الغالي
غربلت ما خليت حته الزعاطيط
جن ساري بلغربيل نطت نواطيط

31 - أبدع الغالي
حطاني بالغربيل وكتي ويغربل
اده التحيه وكال جنك فحل بل
نايف العكل

32 - أبدع الغالي
ليش اكره الغربيل فنكم تردون
يطلع الغشاش والماله مضمون

33 - أبدع الغالي
ليش اكره الغربيل فنكم تردون
من عيونه كام عضاي كل ينزلون

34 - أبدع الغالي
ليش اكره الغربيل فنكم تردون
يكشف خبايا الناس ويميز اليخون

35 - أبدع الغالي
ليش اكره الغربيل فنكم تردون
هان بسبب عيناه الماضنتي يهون

36 - أبدع الغالي
عاتبته كتله شبيك غربيلي وياي
تهز عكس ظليت وتطيح اعضاي

37 - أبدع الغالي
لسان حال الغربيل
صدكني ماهزيت لا رجفن اكتار
وعيوني ضيگه هواي بس ربعك ازغار
احمد ذياب الحجامي

38 - أبدعت الأخت
ليش اكره الغربيل فنكم تردون
من زروفه طاحو ناس وگبله من لعيون

39 - أبدعت الأخت
غربلت ما خليت كل ربعي طاحو
ماعاتبت ومشيت بذاته صاحو
هديل عبد لامير

40 - أبدع الغالي
ليش اكره الغربيل فنكم تردون
بينلي كومه اصحاب كل ضني يوفون
سيد ابوفاطمه الغرابی

41 - أبدع الغالي
ردت ابخن الخوان وأعرف عضيدي
طاحو گبل ماشيل غربيلي بيدي
فاضل الواسطي

42 - أبدع الغالي
شكد اكره الغربيل ماودي اهزه
خسرني حتى الزين والچنت اعزه
منقول

43 - أبدع الغالي
حط ربعك ابغربيل هزه انته بيدك
هزه معيدي أو كون يبقه اليفيدك
مرتضى ال صالح الخاقاني

44 - أبدع الغالي
ماهزن الغربيل بجفوفي مرات
خافن اخوي يطيح وكظيهه حسرات
منقول

45 - أبدع الغالي
غربلت بالصحبان غربيلي شو
مااال
صفحه طلعت شماات والباقي
اانذااال...
عدي العراقي

46 - أبدع الغالي
غربلت ماخليت كل ربعي الوياي
ومن المنخل يطيحون جني انخل بماي

47 - أبدع الغالي
من المنخل يطيحون خلهم يولون
جا شلي بالصدكان الماينفعون

48 - أبدع الغالي
غربلت بالغربيل اهلي وعمامي
ماطلع بيهم عون صاحوا حرامي
ابو خليل العكيلي

49 - أبدع الغالي
ماغربل بغربيل ومتعب المتون
انه ادري ربعي بضيج كلهم يشردون
ابوعلي الصالحي

50 - أبدع الغالي
ماهزن بغربيل بجفي هزهم
المامش ملوحة البي ابظهري حطهم
ميثم البيضاني

51 - أبدع الغالي
ليش أكره الغربيل فنكم تردون
شي يكشف المظموم خافن تزعلون
الاعلامي احمد الكعبي

52 - أبدع الغالي
ليش اكره الغربيل فنكم تردون
ضل جليل اعزاز خافن يطحون
ابو عبدالله السعيدي

53 - أبدع الغالي
غربلت ماخليت كل ربعي الإصحاح
بس شلت أنة الغربيل حتى الخشن طاح
الشاعر
عبد الحسين البهادلي

54 - أبدع الغالي
ليش أكره الغربيل فنكم تردون.
جي طاحو ال بلعين جانو يسكنون.
ابوصادق العبساوي

55 - أبدع الغالي
ليش اكره الغربيل فنكم تردون
خايف أعله الغالين خافن يطحون
فرحان موسى الزاملي

56 - أبدع الغالي
ليش اكره الغربيل فنكم تردون
امزرف المفلوك ويتعب المتون
ابوعلي الخفاجي

57 - أبدع الغالي
ليش اكره الغربيل فنكم تردون
طيحلي ناس هواي من ماي العيون
ابو وليد الشويلي

58 - أبدع الغالي
يمحمد الغربيل كل ذنب مابيه
صدكانك الخانوك چاهوه شعليه
عمادالصدعاني الشمري

59 - أبدع الغالي
كون ادري بالصحبان ماجربتهم
الرمل اشوه اهواي من غربلتهم

60 - أبدع الغالي
غربلت بالصحبان خيرهم يطيح
والباقي گام يطير وي خفت الريح
ميثم العماري

61 - أبدع الغالي
حطيته بالغربيل هزيته مرتين
دورت ما معيوب جا طايح منين

62 - أبدع الغالي
حطيته بالغربيل وحاسبله حساب
تاليه مثل الطوزمن منخلي يساب
سعد النصري

63 - أبدع الغالي
ليش اكره الغربيل فنكم تردون
عبالي ربعي وياي صارو لي فرعون

64 - أبدع الغالي
ليش اكره الغربيل ماخله صحبان
بس غربليت الناس طلعولي عدوان
علي الشيخ

65 - أبدع الغالي
صحبة وتجي بغربيل ما تشفي ضلعي
كبل التغربل حيل جربت ربعي
الشاعر
عبد الحسين البهادلي

66 - أبدع الغالي
عيب منحط غربيل ونخل تره عظاي
ألمو كدهه أول يوم لا يمشي. .. وياي
سيد كاظم العوادي

67 - أبدع الغالي
حطيته بل غربيل كلمن نخلته
طاحو كبل لا شيل ماي وشكفته

68 - أبدع الغالي
حطيته بالغربيل ذاك المشه وياي
كل هزه ماهزيت سچينه بحشاي

69 - أبدع الغالي
حطيته بالغربيل حلفته بخته
غربيلي چن بماي انه ورفعته
كرار العگيلي

70 - أبدع الغالي
ما يرضه اهزن بيه غربيلي يا صاح
چي ربعي وكت الظيج واحدهم اسلاح
حسن العگيلي

71 - أبدع الغالي
للخوه اهز غربيل واجسحها اخوتي
شلهم علي يلفون من يدنه موتي.

72 - أبدع الغالي
العاشو بگلبي سنين شوهسه راحو.
ومو من زرف غربيل من عيني طاحو.
ابو مريم العتابي

73-ابدع الغالي
أبعازت الغربيل كلش هلايام
أردفرد الناطور عن الغفه ونام
اخو عليه الغزالي

73-ابدع الغالي
غربلت بالغربيل ناس انه احبهم
طاحو الف ياحيف الجنت اودهم
سعد العسكري

74-ابدع الغالي
ماحاجه للغربيل وتعبهه المتون
ربعي ابگبل لاصيح كلهم يفزعون
سعد الحچامي

75-ابدع الغالي
غربلت ماخليت كل المشه وياي
وسفه والف ياحيف محد وفه بهاي
سعد العسكري

76-ابدع الغالي
بس هزه بالغربيل ماغربلت كون
ماي وتذبه اتگول گامو ينزلون
ابوعلي الصالحي

77-ابدع الغالي
غربلت ثلث اوجوه كل ربعي الوياي
ماطلع بيهم شين من ضاكت وياي
سعد الحچامي

78-ابدع الغالي
غربل وماشي الزين تحتاجه وياك
للكلفه يوم الضيج من تجفي دنياك
ابوعلي الصالحي

79-ابدع الغالي
انعل ابو الغربيل شكد وكحه عينه
يحجيه عاالمكشوف ويكشف الشينه
كريم الحاشي

80-ابدع الغالي
ماحاجه للغربيل صحباني زينين
حيهم صحت بالضيج فزعولي صوبين
ابو علي الصالحي

81-ابدع الغالي
غربلت تدري شلون غربيلي هزاز
والصفو بس اثنين موش منالعزاز
سعد العسكري

82-ابدع الغالي
غربلت ست مرات چيكت الاوضاع
دورت وين الحيد والگط بالاسباع
ابوعلي الصالحي

83-ابدع الغالي
غربلت ربعي بضيج مو غايه عدي
صارو شفى ودكتور للجرحه يدي
أبو سجاد الكعبي الحمادي

84-ابدع الغالي
اشكثر گلبي ارهيف مايحمل اصياح
ايد اهز بالغربيل وايد الگف الطاح

85- أبدع الغالي
صعدته بالغربيل توني ارد اهزه
خر او وگع بالگاع راعي المعزه
غالب النهيراوي

86-ابدع الغالي
ليش اكره الغربيل فنكم تردون
كلمن اوافي وياه يتركني ويخون
محمد حميد العطواني

87-ابدع الغالي
استجن يلغربيل بسك بعد هيد
من غربلتهم زين طلعو اجاويد
أبو سجاد الكعبي الحمادي

88-ابدع الغالي
غربلت بلصحبان كاموا يطيحون
محد بقالي انوب ويكحل العيون

89-ابدع الغالي
ياعمي الغربيل طيحلي صحبان
انخاهم بكلفات وحاسبهم اخوان

90-ابدع الغالي
غربل يبعد العين والطايح يطيح
والطايح بمرواح ذره بمهب ريح
محمد العبياوي

91-وقلت ايضا
غربلت وين الزين وبوجهه غيره
كلت انه يوم العوز ماظن يديره
محمــــــــــد الضاحي ✍

92-ابدع الغالي
ارد أكـسر الغـربيل نصـين أسويه
خسرني وين الزين والمستعز بيه
قاسم علوان اللهيبي

93-ابدع الغالي
غربيلي ضيج عين. ماودي اهزه
طيحت وين الحيد. والجنت اعزه
منذر الأبراهيمي

94-ابدع الغالي
چاشلي بل غربيل وبن امي وياي
يفزع گبل لاصيح لوهدت اعداي
سعد الحچامي

95-وقلت ايضا
غربلت ماخليت حتئ ابني و اعضاي
مابيهم المذروب واليگطع الفاي
محمــــــــــد الضاحي ✍

96-ابدع الغالي
كمت اكرها الغربيل لاتحجي عنه
هزيته مره اوطاح ابن امي منه
ابورقيه الفرطوسي

97-ابدع الغالي
غربيلي ناعم عين ما كض خشنهم
لوخشن گلي اشلون شنهي اكض منهم
الحاج رعد الشاوي

98-وقلت ايضا
غربلت وين الزين والنشمي والحيد
ما ينطي كون وياي بس يأخذ يريد
محمــــــــــد الضاحي ✍

99-ابدع الغالي
غربلت وين الگال عد عينك انه
من مرني مره العوز ماشفته اجانه
الحاج رعد الشاوي

100-ابدع الغالي
غربلت والغربيل مني استحه وگال
مامش ربع يوفون لاتشده البال
الحاج رعد الشاوي

101-ابدع الغالي
غربلت والغربيل اعيونه ضيجه
مابقى من الصحبان خلاني فرجه
الحاج رعد الشاوي

102-ابدع الغالي
من غربلتهم ليش محد وفه وياي
طبعي انه ادور الزين والياخذ الراي
ابو سجاد الكعبي الحمادي

103-ابدع الغالي
غربلت وين الگال باالموزمه اثبت
تهزهزو باالغربيل هزت ﭼـتف بت
سلام جباري الصيادي

104-ابدع الغالي
تايب بعـد غـربيل ماهـز بـديه
طاحوا من اول شوط المني بيه
الشاعر عدي الفتلاوي

105-ابدع الغالي
ما هزن الغربيل حيد انه طبعي
ما خاوي ياهو الچان خيار انه ربعي

106-ابدع الغالي
غربلت كل اعظاي والموش اليه
ما طاحو مچلبين بثنين اديه

107-ابدع الغالي
غربلت و الغربيل يظحك عليه
جي عشرتي اويه الناس تنگط خويه

108-ابدع الغالي
غربلت بالغربيل ما لاحو الگاع
ربعي انه ومچلبين صيده ابفچ اسباع
حسن العگيلي

109-ابدع الغالي
غربلت بالغربيل......... محد صفه وياي
كل ربعي طاحو ليش سولفلي بس هاي
مسلم اللامي
طيبتي اكبر اهمومي

110-ابدع الغالي
غربلت وين الزين والگلبه صافي
نص هزه لنه يصيح نزلني كافي
أبن البصره
عبد الرحمن الكعبي

111-ابدع الغالي
مو عن بطر هزيت غربيلي ليهم
رايد اشوف الزين والدوني بيهم
سلام جباري الصيادي
29/3/2020

112-ابدع الغالي
بس ولك يلغربيل بطل بعد هز
طاحت رفاكه هواي والبيهم اعتز
ابومنتظرالكعبي الكعبي

113-وقلت ايضا
كون اترك الغربيل حتئ اهده وارتاح
وما أدخل الميزان وي البكه وطاح
محمــــــــــد الضاحي ✍

114-ابدع الغالي
غرلبلت بالغربيل ربعي الاودهم
الميه بس اثنين ضلو وحدهم
الشاعر سيف الامامي

115-ابدع الغالي
بس اترك الغربيل ما بيهم يطيح
كبل الفزع يلفون چنهم مهب ريح
ابومنتظرالكعبي الكعبي

116-وقلت ايضا
كف يالتغربل هيد غربيلك انباك
العنه كلت هديب حط چيله بساك
محمــــــــــد الضاحي ✍

117-ابدع الغالي
غربلت والغربيل رد حمله ليه
ماطاحو و شرواك كلهم تچيه
ابومنتظرالكعبي الكعبي

118-وقلت ايضا
غربلت والغربيل طشر له ديره
صفن عليه ثنين بلوة ويحيره
محمــــــــــد الضاحي ✍

119-ابدع الغالي
غربلت بالغربيل ياروحي موتي
طاحو ثلاث بساع يمكن اخوتي
الشاعر سيف الامامي

120-ابدع الغالي
بس بعد يلغربيل طيحت المتون
من ثكل ربعي البيك ماظن يطيحون
ابو سجاد الكعبي الحمادي

121-ابدع الغالي
يامصعب الغربيل لمن تهزه
وشوفه من يطيح ذاك التعزه
الشاعر سيف الامامي

122-ابدع الغالي
غربلت والغربيل فراته حيره
سالت شنهي الطاح كالولي ديره
ابومنتظرالكعبي الكعبي

123-وقلت ايضا
صح نخسر احنه هواي من غربلينه
بس نعرف الي خان واليوفي دينه
محمــــــــــد الضاحي ✍

124-ابدع الغالي
هزهزت بالغربيل بس هزه وحده
اولهم اللي طاح ذاك الاوده
الحاج رعد الشاوي

125-ابدع الغالي
هزيته هزه بخوف جن بيهه موتي
ادريهم ايطيحون من يمه اخوتي
فاضل الواسطي

126-ابدع الغالي
غربيلي ماااا بي صوج هم بدليته
ولا صاحب اظل بي من اتكمكشيته
الشاعر الركابي

127-ابدع الغالي
بالكلفه للغربيل ماشوفن اعتاز
غربلت بالسهلات ماظلوا اعزاز
فاضل الواسطي

128-ابدع ابن اخي الغالي
غربلت ربعي هواي ماطاحو ركاد
عفيه وألف عفيات للصارو ضماد
منتظر الكعبي

129-ابدعت الغاليه
جربت بيهم حيف مني استراحو
ماطاحو بغربيل من عيني طاحو
الشاعرة سجد المعموري

130-ابدع الغالي
اوهه مده الغربيل من كون اخليه
يوشي على ربعي يصير وانه استعز بيه
ابو زينب الحلو

131-أبدع الغالي
غربلت ربعي هواي ماطاحو ركاد
عفيه وألف عفيات للصارو ضماد
منتظر الكعبي

132-أبدع الغالي
غربلت ربعي هواي ماطاحو ثكال
ما هدو الغربيل واحدهم عكال
منتظر الكعبي

133-ابدع الغالي
ربعي أني كلها أثكَال مابيها ريشه
وألتنحط أبغربيل بس ألشبيشه
الشاعر سليم بشير الجبوري

134-وقلت ايضا
غربلهم انت بهاي كل ربعك وشوف
كلهم صدر ديوان يوم الوغه سيوف
محمــــــــــد الضاحي ✍

135-ابدع الغالي
غربلني الغربيل كون ادري ماهاز
ولاضل رفيج اوياي خركل العزاز
غالب النهيراوي

136-ابدع الغالي
ليش اكره الغربيل ماودي اهزه
خايف يطيح الحيد ولبي معزه
صالح الساعدي

137-ابدع الغالي
حيل انكث الغربيل وعرفهه ربعك
خافن تطيح بضيج وتعض اصبعك
كاظم البديري

138-وقلت ايضا
غربلهم بغربال صافي بعجاجه
شوف اليطيح شلون واليكظي حاجه
محمــــــــــد الضاحي ✍

139-ابدع الغالي
غربلت والغربيل من عندي هايج
ربعي اكبر منالكول تكضي الحوايج
منتظر الكعبي

140-ابدع ابن اختي الغالي
من اذكر الغربيل كلهم يطشون
لا جبته لا هزيت كامو يطيحون
علي الساعدي

141-ابدع الغالي
بسد وضره وغربيل ناعم جبت حيل
وهم خرو اعله الگاع خر النده بليل
غالب النهيراوي

142-قلت ايضا
گون الزمن يندار ونغربل هواي
حتئ اعرف الخوان واليوفي وياي
محمــــــــــد الضاحي ✍

143-ابدع الغالي
غربيلي ماهز بي خفت الندامه
هزيته مره اوطاح وين الجهامه
كاظم الخفاجي

144-ابدع الغالي
بغربيلي صافي ثنين .. ذوله من الاعزاز.
امي وابوي وياي ....... واليمشي جناز.
عبد البزوني

145-ابدع الغالي
لا أمدح الغربيل لاغربل الناس
هوه الكلب ميال للعدهم إحساس
سيد خضر النفاخ

146-ابدع الغالي
عيـب الزم الغـربيل لربـيعي بيدي
المو كفو ابيا حال يصبح عضيدي
ابو احمد السماوي

147-قلت ايضا
كون أفرغ الهم يوم غربيلي ارده
كل واحد نحط بيه طينه أعلى خده
محمــــــــــد الضاحي ✍

148-ابدع الغالي
راح اگطف الغربيل واگطع هزيزي
خاف الشماته تشوف طيحت عزيزي
غالب النهيراوي

149-وقلت ايضا
ماريده هذا اليوم البيه يجي الكون
خاف اطلع الغربيل وكل يطيحون
محمــــــــــد الضاحي ✍

150-ابدع الغالي
ها صحت يالغربيل فتحاتك كبار
رد برهاوه وكال لا ربعك زغار
منقول

151-وقلت ايضا
غربلهم ولا تخاف تستنكي بيهم
وتميز ألمكعاد واسمع حچيهم
محمــــــــــد الضاحي ✍

152-ابدع الغالي
غربيلي موقف موش طوگ و أهزّه
كالخرز طشو هيچ وين الأعّزه
وسام حسين الساعدي

153-ابدع الغالي
غربيلك ابكل يوم سكتاوي هز بيه
لو طاحوا الزينين ياهو التخليه
الشاعر هاشم البهادلي

154-ابدع الغالي
غربيلي صفه الزين والراجح الراي
انه من امر بضيج وكفاته وياي
ابو سجاد الكعبي الحمادي

155-أبدع الغالي
لو طاح اليه اعزاز من هزتك هاي
چا بطلت وكفات للخاين وياي
ابو سجاد الكعبي الحمادي

156-وقلت ايضا
غربلهم بترتيب واستنكي الهديب
وحتفظ بالمذروب واليعرف يصيب
محمــــــــــد الضاحي ✍












عرض البوم صور الشاعر محمد ضاحي العكيلي   رد مع اقتباس
قديم 03-04-2020, 02:00 AM   المشاركة رقم: 612
المعلومات
الكاتب:
اللقب:
مشرف (منتدى قصائد وأشعار بني عُقيل) ومشرف (المنتدى الشعري العام)

البيانات
التسجيل: May 2016
العضوية: 2269
المشاركات: 613
بمعدل : 0.42 يوميا

التوقيت

الإتصالات
الحالة:
الشاعر محمد ضاحي العكيلي غير متواجد حالياً
وسائل الإتصال:

مـجـمـوع الأوسـمـة: 2

وسام العضو المميز

وسام الشاعر المتميز



 

كاتب الموضوع : الشاعر محمد ضاحي العكيلي المنتدى : منتدى قصائد وأشعار بني عُقيل
افتراضي

مساجلة ساري العبدالله للابوذيه
الشاعر
محمــــــــــد الضاحي
.................................................
هلي المعروف والحک ساري عدهم
سباك الخيل جدمي ساري عدهم
أتركوني شعجب ماچن ساري عدهم
وحيد وبس ضواري تحيط بيه
محمــــــــــدالضاحي ✍

عجزت يمناي ماتلحك يساري
وصفت قصتي مثل قصتك يساري
اذا انته هلك شالوا يساري
هلي شالوا ولا مروش بيه
يوميات شاعر

مشيتوا وين ممشاكم يساري
انشلت يمناي كبل منكل يسار ي
وهذا انا اصبحت مثلك يا ساري
بغربه وكل عزيز ابعد عليه
منقول

الوكت گطع يميني-------ويه ساري
وحزن گلبي اويعمري----ويه ساري
ابن حران طبگو--------ويه ساري
فلا وصلو ربع لصار بيه
غالب النهيراوي

وقلت ايضا
تأنه اليمنه ماعانت يساري
يحادي ضعون أهل ريمه يساري
أما بيكم شهم ناده يساري
أنهض ليش متوسد المنيه
محمــــــــــد الضاحي ✍












عرض البوم صور الشاعر محمد ضاحي العكيلي   رد مع اقتباس
قديم 06-04-2020, 01:18 PM   المشاركة رقم: 613
المعلومات
الكاتب:
اللقب:
مشرف (منتدى قصائد وأشعار بني عُقيل) ومشرف (المنتدى الشعري العام)

البيانات
التسجيل: May 2016
العضوية: 2269
المشاركات: 613
بمعدل : 0.42 يوميا

التوقيت

الإتصالات
الحالة:
الشاعر محمد ضاحي العكيلي غير متواجد حالياً
وسائل الإتصال:

مـجـمـوع الأوسـمـة: 2

وسام العضو المميز

وسام الشاعر المتميز



 

كاتب الموضوع : الشاعر محمد ضاحي العكيلي المنتدى : منتدى قصائد وأشعار بني عُقيل
افتراضي

انا ابن ذاك الگطع شط بل طبيخ
عزب وتشهد عليه كل السلاف

دك ثوايه ورسم حدود الرجال
جابها برعيانها المايوم خاف

طب للبسيتين والگرخه أعلى
صيت الهلهلت يكرمها بسنين العجاف

انا ابن دستورها دهري الفعال
من بناها ثبت أعلى الزود ساف

قليم خوزستان يشهد عل الفعال
والليالي المرن بهور السناف

مو سمات وكالوا الضاحي الحلال
ماتجرع واحد وطب ليها حاف

الربظه حاميها وزلم منهم تهاب
وصيته عابر عل خلك وشطوط طاف

انا ابن مسعود ابن هاي الدلال
عگيل أهلي وهاك شوف علومها

أهلي جلعه وحي رجال الموزمات
أهلي زود بزود گظت يومها

اهلي خيالة عشم ضد الغزاة
أهلي ثايه بجزيره ارسومها

اهلي دوم تمرحب بظيف الجليل
كون مامش عزبت بهدومها

أهلي وصلوا فوك خاضوها الصعاب
طبوا الكرخه وجميع عمومها

شهود عندي وهاي تعرفها
الرجال گون رأيد قدمت ملزومها

أهلي بل كلفات ماباعوا صديج
أهلي نادر غالي جدا سومها

انا ابن ضاحي ابن ستر العمام
انا أظل بكل وكت جيدومها

العنده ذني تميز أعلى هواي ناس
هم يصح عاذل عرب ويلومها

محمــــــــــد الضاحي✍ ✍












عرض البوم صور الشاعر محمد ضاحي العكيلي   رد مع اقتباس
قديم 10-04-2020, 01:36 PM   المشاركة رقم: 614
المعلومات
الكاتب:
اللقب:
مشرف (منتدى قصائد وأشعار بني عُقيل) ومشرف (المنتدى الشعري العام)

البيانات
التسجيل: May 2016
العضوية: 2269
المشاركات: 613
بمعدل : 0.42 يوميا

التوقيت

الإتصالات
الحالة:
الشاعر محمد ضاحي العكيلي غير متواجد حالياً
وسائل الإتصال:

مـجـمـوع الأوسـمـة: 2

وسام العضو المميز

وسام الشاعر المتميز



 

كاتب الموضوع : الشاعر محمد ضاحي العكيلي المنتدى : منتدى قصائد وأشعار بني عُقيل
افتراضي

مساجلة ((ساري العبدالله ))
إلى كل الأخوة والأخوات الكرام الشعراء والمتذوقين ومن يكتب الابوذيه ومن يرغب يشترك بهذا اللون الجميل ((الجناس هو ساي)) لتصبح مساجله وتنشر على الكوكل
.................................................
هلي المعروف والحک ساري عدهم
سباك الخيل جدمي ساري عدهم
أتركوني شعجب ماچن ساري عدهم
وحيد وبس ضواري تحيط بيه
محمــــــــــدالضاحي ✍

عجزت يمناي ماتلحك يساري
وصفت قصتي مثل قصتك يساري
اذا انته هلك شالوا يساري
هلي شالوا ولا مروش بيه
يوميات شاعر

مشيتوا وين ممشاكم يساري
انشلت يمناي كبل منكل يسار ي
وهذا انا اصبحت مثلك يا ساري
بغربه وكل عزيز ابعد عليه
منقول

الوكت گطع يميني-------ويه ساري
وحزن گلبي اويعمري----ويه ساري
ابن حران طبگو--------ويه ساري
فلا وصلو ربع لصار بيه
غالب النهيراوي

وقلت ايضا
تأنه اليمنه ماعانت يساري
يحادي ضعون أهل ريمه يساري
أما بيكم شهم ناده يساري
أنهض ليش متوسد المنيه
محمــــــــــد الضاحي ✍

أخذني وياك ليعدهم / يساري /
لان يمناي ماتوصل/ يساري /
اضن قصتك فلا مثلي/ يساري /
تركوني وخان شير وطعن بيه
الشاعر سيف الامامي

الجدم متعني رايح....ساري الهم
ودوم بخدي دمعي....ساري الهم
لون بهمي يدري .......ساري الهم
يهون الصاربيه يبچي عليه
✏ابو علي الصالحي
٢٠٢٠/٤/٤

كسير وما صح اليجبر كساري
طحت جن طير بين ابع كساري
تركوني ابدارهم ربعي كساري
عليل وحته شح الشير بيه """"
----سيد بادي الشرفي












عرض البوم صور الشاعر محمد ضاحي العكيلي   رد مع اقتباس
قديم 10-04-2020, 01:38 PM   المشاركة رقم: 615
المعلومات
الكاتب:
اللقب:
مشرف (منتدى قصائد وأشعار بني عُقيل) ومشرف (المنتدى الشعري العام)

البيانات
التسجيل: May 2016
العضوية: 2269
المشاركات: 613
بمعدل : 0.42 يوميا

التوقيت

الإتصالات
الحالة:
الشاعر محمد ضاحي العكيلي غير متواجد حالياً
وسائل الإتصال:

مـجـمـوع الأوسـمـة: 2

وسام العضو المميز

وسام الشاعر المتميز



 

كاتب الموضوع : الشاعر محمد ضاحي العكيلي المنتدى : منتدى قصائد وأشعار بني عُقيل
افتراضي

مساجلة ((( يبره للابوذيه )))
...........................................
جرحي مايفيده خياط وابره
ولاچني اكوم اردود وابره
يمل ضليت بس مهزول وابره
وراعي الإبل مو نشاد بيه
محمــــــــــدالضاحي✍

أبدعت الأخت
البسيفه چتلني اشلوون يبره
جرحي ما يفيده اخياط يبره
ضل بس النفس للضعن يبره
وجفاهم صار يوم الموت اليه

جرحك كلف بحشاي ما عمره يبره
لو دهر تبقه اترووف بيه والله ببره
سمر السراي

ابدع الغالي
بعيوني مامش شوف وبچفي شمره
شيفوته اليه الخيط من خرم الابره

شعجب مانصح دلالي ويبره
رغم يبرته الف يبره ويبره
الوكت خيط وزرگ روحه ويبره
بضلام وچف ضريره تروف بيه
الشاعر احمد والي

أبدع الغالي
الجرح لوبالجسد ياصاح يبره
تشله بمخيط بجنكال يبره
طعني الݘان ظهري وصحت يبره
افترجت ولنه اعز مخلوك اليه
ابو مريم العتابي

وقلت ايضا
عليل ومنوة المعلول يبرة
بسب صاحب الي بظيج يبرة
كنديرة والظمي الخيط يبرة
وخيطي جروح گلبي الحطهه بيه
محمــــــــــدالضاحي ✍

شحلات ايام عشگي المضت يبراه
الجرح ذاك الوگت بالشوف يبراه
الاحبنه يلاهي الغير يبراه
حسافه وحصد زرع ربات اديه
خالد عبد محمد العتابي

أبدع الغالي
شعجب مافاد خيط وياي. ..يبراه
غميج وما أظن الجرح. ....يبراه
لبو الحسنين ظل الكلب. .يبراه
بس هو اليشل جروح إليه
ابو مصطفى الرميض

أبدع الغالي
عزيز ومات كــون انزور .. يبراه
موش ابساع منه الگلب .. يبراه
دريع الثـوب تحرم كون .. يبراه
يضـــل مدروع حــد لوح المنيه
*** احـــ الموسوي ـــــمد ***

أبدع الغالي
بعد مااتبع ضعونك ولبره
ولامن الجروح اشفه ولبره
امش عني وأخذ خيطك ولبره
بعدماضل كتر يراف بيه
سيد بادي الشرفي

أبدع الغالي
يتهموني الربع بل شين وبره
ورد لفتوكهم بخيوط وبره
لون يرهم لجيبن خيط وبره
وخيط احلوك ناس التذم بيه
منقول

أبدع الغالي
جرح وبخيط اخيطنه ويبره/
ولاهوه. كسر. بيه ويبره/
الخذ روحي شيكل لله ويبره/
بركبته والله ياخذ حگي اليه
علي الشيخ

أبدع الغالي
جرح اعظاي اليه شتظن يبره
ولاينفع بعد كل خيط يبره
تره المتهوم لابد يوم يبره
ويطلع زيف باطلهم اليه
سلام جباري الصيادي
6/4/2020

أبدع الغالي
ترف كسر الكلب ميفيد/ يبراه/
وابد لاتضن جرح جفاك/ يبراه /
تطيب اجروح موش بخيط/يبراه/
ترى بشوفت حبيبي اطيب هيه
الشاعر سيف الامامي

أبدع الغالي
الضعن من ساك كلبي عليه يبره
وراهم يحسب الخطوات يبره
جرحي مانفع بي خيط يبره
اشلن بالجرح ينفتك بيه
ابورقيه الفرطوسي

أبدع الغالي
عليك انشد حضر كومي وبرها
وقسمت انا ابحليب امي وبرها
ابصهوه اوياك من خالص وبرها
وخبزه وماي عيشتنا هنيه
كاظم دريول












عرض البوم صور الشاعر محمد ضاحي العكيلي   رد مع اقتباس
قديم 10-04-2020, 01:39 PM   المشاركة رقم: 616
المعلومات
الكاتب:
اللقب:
مشرف (منتدى قصائد وأشعار بني عُقيل) ومشرف (المنتدى الشعري العام)

البيانات
التسجيل: May 2016
العضوية: 2269
المشاركات: 613
بمعدل : 0.42 يوميا

التوقيت

الإتصالات
الحالة:
الشاعر محمد ضاحي العكيلي غير متواجد حالياً
وسائل الإتصال:

مـجـمـوع الأوسـمـة: 2

وسام العضو المميز

وسام الشاعر المتميز



 

كاتب الموضوع : الشاعر محمد ضاحي العكيلي المنتدى : منتدى قصائد وأشعار بني عُقيل
افتراضي

وين الگالي طيب ذات ويشير
يوميلي بسوالف بخت ويشير
مثل ساري صفيت وحيد ويشير
الذياب تحاوطة كل كتر بيه
محمــــــــــد الضاحي ✍

أبدع الغالي
راح الچان يومي عليك ويشير
بچفه من تطيح بضيج ويشير
حالك مثل ساري صار ويشير
عليل وريم عافتها الثنيه
الحاج رعد الشاوي

أبدع الغالي
ابد مااريد منك شور---------لشير
وبصبعك علي يم شمات----لشير
ساري ما وفه وخوان------لشير
العدل والحگ يموت اوياه سويه
غالب النهيراوي

أبدع الحاج مره اخرى
هديب وصعب ياهو الچان ويشير
عليه وبيده يومي الشين ويشير
بساري ما اوصف الحال ويشير
ولا گول الذياب تحيط بيه
الحاج رعد الشاوي

أبدع ايضا
چثيره بهل الوكت طيبين تنشار
سديده ... برايها... وللخير تنشار
طريه وما يهمه بشمس تنشار
هيچ گلوب مدهونه بحميه
الحاج رعد الشاوي

أبدع الشاوي
وين.. الگه.. سديد.. الراي .. ويشير
يوميلي.. اعلدرب.. العدل.. ويشير
ساري امنيده ضل اوحيد. ويشير
مشه برايه وخلص عمره بذيه
الحاج رعد الشاوي

أبدع الغالي
أحس كلبي يحزه بحيل / منشير /
وعلى غيرك يبعد الروح / منشير /
البعض خله يتعلم وفى/ من شير /
الكفل ساري إلى حد المنيه
الشاعر سيف الامامي

أبدع الغالي
انه الضليت جن ساري وشيره
ابهيمه ولا يصح عاقل وشيره
الحجي المضموم لو طلعه وشيره
اضن سابع ضهر يشتعل بيه
سلمان آل حمد المنصوري

أبدع الغالي
مثل شير الوفة ماعاف ساري
يضل دمة بعروگي دوم ساري
انة اباوع من يميني وعن يساري
بهيمة وكطعت الصحبان بية
فيصل المياحي












عرض البوم صور الشاعر محمد ضاحي العكيلي   رد مع اقتباس
قديم 10-04-2020, 02:40 PM   المشاركة رقم: 617
المعلومات
الكاتب:
اللقب:
مشرف (منتدى قصائد وأشعار بني عُقيل) ومشرف (المنتدى الشعري العام)

البيانات
التسجيل: May 2016
العضوية: 2269
المشاركات: 613
بمعدل : 0.42 يوميا

التوقيت

الإتصالات
الحالة:
الشاعر محمد ضاحي العكيلي غير متواجد حالياً
وسائل الإتصال:

مـجـمـوع الأوسـمـة: 2

وسام العضو المميز

وسام الشاعر المتميز



 

كاتب الموضوع : الشاعر محمد ضاحي العكيلي المنتدى : منتدى قصائد وأشعار بني عُقيل
افتراضي

الابوذية هو أحد أنواع الشعر الشعبي ويتكوّن من أربعة أشطر تسمّى البيت. تنتهي الأشطر الثلاث الأولى بقافية مؤلفة من كلمة واحدة أو متقاربة جداً، والشطر الرابع لا بدّ أن ينتهي بكلمة نهايتها (يه) ويسمّى الرباط. ولابدّ للفظ المشترك - القافية- في الأشطر الثلاث أن يعطي في كلّ شطر معنى مختلف ، وبذلك يكون لفظا واحداً بثلاث معانٍ.

وأول من قال ونظم شعر الأبوذيه هم أهالي سوق الشيوخ ، إذ لديهم باع طويل في نظمه فضلا عن باقي أنواع الشعر الشعبي.وتقريبأ أجمل من يكتبون الابوذية هم أهالي المنطقة الجنوبية في العراق واليوم أغلب شعراء العراق يجيدون كتابته ولكن يبقئ الجنوب العراقي مميز بهذا اللون الجميل

وقد سميَّ بـ (أبوذيه) لإنتهاء القفل في الشطر الاخير بحرفي الياء والهاء.

وقد استخدمه الشعراء من هذا النوع في وصف الشوق والحنين والغزل بمسحة حزينة.

ولا ينظم الأبوذيه بالأفراح لمخالفته الذوق والغرض من هذا الشعر وإن طبقت قواعد تأليفه، فلذا يستهجن الشعراء الذين يكتبونه كلّ من ينظّم الأبوذيه بالأفراح ويفقد البيت معناه لديهم.

ويتضمن في معانيه في بعض الاحيان معنى يسمى بـ ((الحسچه)) والحسچه هي الكلام الذي يُفهَم ظاهره غير مضمونه الأعمق ويفهم هذه المعاني من له فراسة في معنى الكلام. وقد تستخدم الحسچه كرسائل مشفرة.

وقد دأب الشعراء الذين يكتبون الأبوذيه أن يكتب أحدهم بيتاً من الشعر ويرسله إلى شاعر آخر أو إلى جمع منهم بواسطة أو مباشرةً من خلال جلساتهم المشتركة طالباً منهم الردً عليه وتسمّى هذه الطريقة بالمجاراة او مساجله. ولهذه المجاراة قواعد يلتزم بها الشاعر عند الردّ وهو أن يستخدم نفس اللفظ المشترك في البيت المرسل له أو بكلمه قريبة منها في المعنى والوصف.
مثلا: قافية البيت المرسل : شملهه
وقافية الرد الأول : شملنه
وقافية الرد الثاني: شملاي
لنضرب لكم مثلا آخر
جناس.. يلهم
(للابوذيه )
وردود الأخوة الشعراء

أبد مادنكت رأسي ولاهام
دليلي مايود غيرك ولاهام
چنت مافگر بدنيا ولاهام
بغيرك يا لتعيش اليوم بيه
محمــــــــــدالضاحي✍

چثير عزاز دلالي ون لهم
وطحنه الصبر من غابو وانلهم
الناس بفرح دنياها وأنه الهم
چساني وصار لايك بس عليه
محمــــــــــدالضاحي✍

تعال الليل گله يصيح يالهام
الشعر يشرب بروحي وگام يالهام
رفيجك صرت تدري شوكت يالهام
من اهد مابعدو أحبابي عليه
محمــــــــــدالضاحي✍

دگني بجاون وحلگ اضيم يلهم
مثل وكتي اليجيب الحزن يلهم
طـگ الـبـيـن مـو بنصـاف يلهام
مثل جاون ركش نسوان بيه
حسن الشاعر

اما تنوي الرحيل بيوم يلهام
غزاني الشيب فوگه العوز يلهام
يتاليتك تلوح الكاع يلهام
وتجي الماعدهه رأس تدوس بيه
احمد ناظم الطرفي

من صغري ربيت اوياي يلهم
او هجرك كام بلدللال يلهم
اجروحي اطفال جن العيد يلهم
يتامه ابلاولي وشلون بيه
نيران المحبوبه

الحزن باالروح صار اسنين يلهم
بيوم اجفو واخوتي الوكت يلهم
اما نيه الك وتروح يلهم
وفيت وياي كافي تلوﭺ بيه
سلام جباري الصيادي

شجاك بكلبي شو جودرت يلهم
وغده سيف الوكت بروح يلهم
اشو ذريت مامش نفع. يلهام
شجاه وكتي الشلب هم خان بيه
موحان الشبلي

منو مثلي هظم عالريج . يلهم
اليكول انه الصكع شوفيه . يلهام
دكف عني دبطل جوز . يلهم
شجاك اتحزمت خايب عليه
الشاعر حيدر الكعبي

جذب بجذب اجلب بيك يلهام
احصدوني وماحضيت بغير يلهم
الجنت سمسم ادكله وجان يلهم
عكب ماشبع دسلي اسموم حيه
وناس العارضي

مثل رحه تدور وياي يلهام
ولغير الله مدنكك ابد يلهام
جفيتي وياي شنهو السبب يلهام
لان حبي نضيف بلارديه
ابو عمار العآرضي

طحن وكتي وغده فركاك يلهم
عظمي اوشامت النغار يلهم
ابشرك مو سيوف اشبجت يلهم
كبلك والرماح أنتجت بيه
الشاعر عادل هلال الغزي

عفه گلبي شكثر للصبر يلهم
أشكثر تحمل صگع للفوس يلهم
شمالك شوربيت وياي يلهم
چنك توم الي وصاحب خويه
ابو سجاد العبودي

منصور مثلي يضل بل ضيم يلهم
كافي مروتك مليت يلهم
عناده وماتطخ فديوم يلهام
حاله وجلبت للموت بيه
قائد الميالي

متى،تفارج دليلي بيوم يلهم
ويكلبي الماوفوا وياك يلهم
افت آنه الصبر جم دوب يلهم
مر مره عرفني وعاد،اليه
علي كاين

منومثلي صبر عالضيم ،،، ما هام
منومثلي براسه العگل ،، ما هام
منومثلي اله خوان ،،،،،،،، ماهام
منومثلي حمل لوعه واذيه
ابوعلي الصالحي

وهكذا يتحدّى الشعراء بعضهم البعض. ومن المعروف أن أهالي جنوب العراق يكتبون الأبوذيه، ليس الشعراء منهم فقط، بل ان كثيرا من الأهالي يكتب الأبوذيه ، وعندما تحدث مصيبة لأحدهم ابعدكم الله فأنّ أصدقائه يواسونه ببيت من الأبوذيه يدلون به على مشاركتهم الوجدانية معه في المصاب.












عرض البوم صور الشاعر محمد ضاحي العكيلي   رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:00 PM

أقسام المنتدى

المنتديات العامة | المنتدى الإسلامي | منتدى الترحيب والمناسبات | المنتدى العام | منتدى القضايا الحوارية ، والنقاشات الجادة | المنتديات الخاصة بقبائل بني عُقيل العامرية | منتدى أخبار ومناسبات بني عُقيل | منتدى أنساب ومواطن بني عُقيل | منتدى تاريخ بني عُقيل | منتدى أمراء وأعلام بني عُقيل | منتدى قصائد وأشعار بني عُقيل | منتدى مكتبة بني عُقيل | المنتديات الخاصة بالقبائل العامرية والعربية العامة والتاريخ العام | منتدى القبائل العامرية | منتدى القبائل العربية العامة | منتدى مكتبة الأنساب والتاريخ | المنتديات الأدبية | المنتدى الشعري العام | منتدى الخواطر ونبض المشاعر | منتدى القصص والروايات | منتدى الألغاز والأمثال والحكم | المنتديات المنوعة | منتدى الأسرة والمرأة والطفل | منتدى الصحة والطب | منتدى الرياضة | منتدى الطبيعة والسفر | منتدى الحاسوب والجوال والعلوم التقنية العامة | المنتديات الإدارية | منتدى الملاحظات والاقتراحات | منتدى المشرفين والمراقبين | منتدى السيارات والدراجات | منتدى المرأة العام | منتدى التدبير المنزلي | دواوين شعراء المنتدى | المنتدى الإعلامي لموقع بني عُقيل الرسمي | المنتدى التاريخي العام | منتدى الشعر النبطي | منتدى الثقافة العامة | قبيلة قيس العامرية (جيس) | منتدى بصمات مبدعي الموقع .. تخليداً لذكراهم |



Powered by vBulletin® Version 3.8.7
Copyright ©2000 - 2020, Jelsoft Enterprises Ltd SysArabs
جميع الحقوق محفوظة لمنتديات قبائل بني عقيل
This Forum used Arshfny Mod by islam servant