اشعار شعبيه

نزف ماظن يرد له الحيل فريسه
تهاوشنه ذياب
مشه منه الأمان وشفنه بس الظيم أجتنه
فتنة مال احزاب
كبل چان اليحبك يعتنيك بشوك غدر
هسه وقتل وإرهاب
كبل نأكل فرد ماعون سلف عامر
الكل أحباب
كبل سيدنا بي شاره اليمسه بضر
يشعوط نار بي عطاب
كبل بت الشهيد برهدنه من تفوت لون
طاري الشهم ينجاب
هسه المات ابوهه بساحة الميدان تضل مجرده مايصح ليها كراب
لابيت اليلمهه وقوت ماتلكاش لا چنه
عرب لا نعترف بنساب
هسه الوطن ضايع وتبوك هواي
كلهه مشرعه الأبواب
بعث وله بتشرنه كلنه ياالله شو هسه
صفينه چن وحيد نصاب
جيراني عدوي وأهل بيتي تخون
وابن ملجم طبر ني
وخظب المحراب

محمدالضاحي ✏

قصيدة الشاعر محمد الضاحي العكيلي

هلا يالسابي روحي وشغال البال دعيت الله ياطيب كون يرعاك
يابو لسان العسل يا ذهب كلك لير من ثرك شهد يتكاطر لماك
انا ادري العمر وياك مرهون
بالك لاتكصر تكطع انداك
شمعه وتضوي دربي وبيك نعناع بنفسج ورده جوري المعشر وياك
اسولف بيك حتى وي الحياطين ومن تبعد أون الليل ونعاك
تعال لخاطر الله شبيك مغتاض
تعال نظر مشاعر شوفهن هاك
دوم أعلى الدرب منتظرك تفوت الجروح السولفن ذابحه طرواك
لون مريت أحس تتفرهد الروح دخذني بشوك عاشك لفني برداك
وحسبني قميصك من يجي الليل شته وچلة برد شيدثر غطاك
انا شكبان عندي وليك محتام اچومهن سوالف ماكدر أنساك
ورد ليهن ولمهن وصفن أيام وسطرهن كبالي وأسمع غناك
ورجع للشرايط وتصاوير وسهر ونجم وحلام ذكراك
.
.
.
محمدالضاحي ✏

قصيدة الشاعر محمد الضاحي العكيلي
شكتب الكم

شكتب الكم وأنه غرب بيه ريل بغير واهس سرعه سار
ومن وصل قرب المحطه تخيليت السچه دار
لاكن السچه حديد وحملت ثكل القطار
وكلبي مايحمل ثكل والغربه نار
وهي نار شلون نار
ذوبت شوک اليريدون العمار
يامراجيح السلف مصباح عيد تركض اعليهه الصغار
يابلم هور المشرح مايه طاغي وچفته ماكظهه الزرار
وبردي جرفك عنكر يصدر قرار
كيش كالو كبل عنك ومن دخلته شوچ خضر بيه مرار
هسه وتريد أتعذرلك للغرك
شيفيد تقديم أعتذار
طوف طين وغربه وكتي والزمن طوفان طاغي وحكمه جار
فرهداني الماي روجه وعدها ثار
شلون ثار
بدوي ويدور غريمه يعوفه شتظن هذا عار
هيچ أحس مرات کلبي بأمره حار
تايه وحيد براري وطايفة شوکي انتظار هيچ حار
بين شامت والعدو يريد فتخار
وبين صدكان الصدك تهوه انتصار
فرق مابين التقدم ولفرار
شكتب الكم هيچ غرب بيه ريل بغير واهس سرعه سار

محمدالضاحي ✏

هلا يالسابي روحي وشغال البال دعيت الله ياطيب كون يرعاك
يابو لسان العسل يا ذهب كلك لير من ثرك شهد يتكاطر لماك
انا ادري العمر وياك مرهون
بالك لاتكصر تكطع انداك
شمعه وتضوي دربي وبيك نعناع بنفسج ورده جوري المعشر وياك
اسولف بيك حتى وي الحياطين ومن تبعد أون الليل ونعاك
تعال لخاطر الله شبيك مغتاض
تعال نظر مشاعر شوفهن هاك
دوم أعلى الدرب منتظرك تفوت الجروح السولفن ذابحه طرواك
لون مريت أحس تتفرهد الروح دخذني بشوك عاشك لفني برداك
وحسبني قميصك من يجي الليل شته وچلة برد شيدثر غطاك
انا شكبان عندي وليك محتام اچومهن سوالف ماكدر أنساك
ورد ليهن ولمهن وصفن أيام وسطرهن كبالي وأسمع غناك
ورجع للشرايط وتصاوير وسهر ونجم وحلام ذكراك
.
.
.
محمدالضاحي ✏

(((((ابوذيات للشاعر محمد الضاحي )))))
عسئ لا يلفي شهرك هاذ لا هل
عكبك لا أخو اليراد لا هل
اظكر عاهدتني وكلت لا هل
(تراب القبر كونك موش اليه)
محمــــــــــد الضاحي✏

مشيت وكل عدو وشمتان هل هل
من عيني دمع چن سيل هل هل
شافو شهر موتي اليوم هل هل
(ركظو ركظت الحجاج بيه)
محمــــــــــد الضاحي✏

صد لي ودمعته أعلى الخد يهلها
ستغلوا وردتي وقطفو يهلها
عسئ طاعون يلفيكم يهلها
(ولا واحد يظل فوك الوطيه)
محمــــــــــد الضاحي✏

بطل الغالي حياك الله

إلى من يقول لا وجود لله في الدوائر الامنيه
########################
مرن چن سحابه سنين ويام
بأخر شوط صارن كلش عجاف
موش أربع طعش چنهن الف
عام خذن كل العمر ساف بأثر سازف
الماعنده ضمير تسلط اعليك
من أقرب صديق تحسب تخاف
يوميه جرح متقصد وياي
شخيط ياجرح يابلوة تراف
انا همومي بيادر ظيم ياصاح
تشچبن بيها وتعد من تجي سلاف
انا احچي الحقيقه شمالك شبيك
دكاتك يادوني صفن
ارداف
اكول الله كريم شبيك مبغوض
عزيزه الكلمه هاي
شلون تنعاف
الله أكرم وأجل من عدكم هواي
سهلها عليه وللظلم
شاف
ظل بوجه الأسود ماظن تسود
ياالمغرور يا الماعندك
أنصاف
ماعندك ضمير ولابد تطيح
لابد يوم يلفي وبل قفص صاف
عديم انت الأصل وانا أعلم بهاي
الناس هواي أسمى ومنك اشراف
ماعندك وفه وموش بن اجاويد
لئيم وماندور منك اللطاف
لا عندك حيا ولا رابي عل زود
اهلك لا كرد لا عرب لا جاف
.
.
.
محمدالضاحي 📝 📝 📝

يمه عيديچ مر علينا يمه با اذار احلا عيد
أمي هور مشرح وكلش عنيد
أمي چرغدها حضارة امي تاريخ البعيد
أمي دهله من الجنوب امي خريط الجديد
أمي ميمونه وسلام
وقلعة صالح الغنام چف كرم والخير بيد
أمي ضحت أمي قائد الجيش همش كل بريد
امي تنعئ الصخر يبچي وي الحديد
امي كل حقبة زمن تطي شهيد
أمي تربه امي سجادة صلاة امي سومر امي جوهر نادر وكلش فريد
أمي كرمها الله أمي خير الله ويزيد
لمي افديها الحياة أمي تامرني شتريد

الشاعرمحمد الضاحي ✏

انا ابن مسعود ابن هاي الدلال
عگيل أهلي وهاك شوف علومها
أهلي جلعه وحي رجال الموزمات
أهلي زود بزود گظت يومها
اهلي دوم تمرحب بظيف الجليل
كون مامش عزبت بهدومها
أهلي وصلوا فوك خاضوها الصعاب طبوا الكرخه وجميع عمومها
شهود عندي وهاي تعرفها
الرجال گون رأيد قدمت ملزومها
أهلي بل كلفات ماباعوا صديج
أهلي نادر غالي جدا سومها
انا ابن ضاحي ابن ستر العمام
انا أظل بكل وكت جيدومها
العنده ذني تميز أعلى هواي ناس
هم يصح عاذل عرب ويلومها

محمــــــــــد الضاحي✏

انا مو بارد عشگ بس مستحاي
الگلش أخجل مستحيل أطريها

حچايتي بنص روحي خلهه مدثره
أنت گون تريد گوم أحچيها

السولف وياک بترافه تگله ها
موش گل زله تچلب بيها

تتحجج وتحسب علي صاير نقاط
هاي مو عشره ويگون أطويها

كاضلك برنو وأعرفك يالغشيم
ترمي ماتنطر تعرف شبيها

الچيله لو صابت هدف ترديه
قتيل وانت متقصد وهاي أدريها

روح لاتنشر بعد حس بيه چا
ولا تگول رويحتي ترد ليها

الهاويني ربح گتله انه جاي
بس خساره ما أريد أشريها
الناس تترقب الحاضر والجديد
بس ولاكن مانست ماضيها

شوفلك واحد ترف مايع صغير
موش كلهه التكدر تلاويها

يصح مواقف بيها بيدر للشموخ
ثق دهر ماظنك تساويها

زله عشرتكم ياهل دارس لغات
البرمجة بسالفتي راح أرويها

جامعة بغداد ماظن عدهه ذوق
خلت المثلك يطب أعليها

كافي مو مليت من دور الغرام
بطل أسبط عوفني وتاليها

محمدالضاحي✏
.
.
.
طبعأ لا أقصد أحد في جامعه
بغداد كلام افتراضي ليس
الا