اشعار شعبيه

هنا يمن چنه وچنت جنيه وكفنا بابك
وانت بكباحه ترد علي وتكلي ياهو الجابك
####################
انا الچنت ولفك ولك هسه شبدر مني وصار
چاشنهي ضيعت العرف تطردني من باب الدار
چنک عدو وصاير جبح چنک علي صاحب ثار
روح أنشد أهلك من غبت ياهو اللفه من أصحابك
هنا يمن چنه وچنت جنيه وكفنا بابك
###################
كلك دغش وسفه أطلعت مو عنبر انت سحاله
المايعرفك من صدك بس غدر منك ناله
ودورة من عدوك الي برأس السطر خياله
غدار ماعندك وفه وبضهر غرز نابك
هنا يمن چنه وچنت جنيه وكفنا بابك
##################
عبي الهدم مفروش الك كونك صدك صاحب حك
نجابل ويمنه الصنف ونسولف الطك بطك
ونلكه تفرض بل بخت شاهدنه موش مبخنك
لنك صدك تأكل سحت ليش استحي من عتابك
هنا يمن چنه وچنت جنيه وكفنا بابك
##################
غدار بتالي أطلعت نچلاتك وي ارداف
مو صاحب وخل للدرب نسفتك بچفي نساف
خاين الزاد وي الملح ماحسبت يوم تخاف
ربك يشوف الي جره لا تبتشر من سابك
هنا يمن چنه وچنت جنيه وكفنا بابك
##################
ربك يريدك تتعظ حلمه وبلغ مية عام
وانت بكباحه وكل طمع تأكل أموال الأيتام
صدكني لو شالوا نعش ما يأخذ وياه بس خام
وهناك اصير المدعي وانا أشرف أعلى حسابك
هنا يمن چنه وچنت جنيه وكفنا بابك
###################
هنا يمن چنه وچنت جنيه وكفنا بابك
وانت بكباحه ترد علي وتكلي ياهو الجابك
####################
......محمــــــــــد الضاحي ✍.......

هي دنيا شكثر كلفه
دوم عجلة وغركت
بدموع خدي.
مرت أيام وليالي شلون
ردها هم يرد الماي
من كونك
تبدي.
وإنت چالي وزاد خنياب
الغدر كله كباحه
وشتظن
هم نفع سدي.
وفاظت الوادم
طمع تأكل حرام وانت
شاخص مستقيم
تعيش حدي.
أحسب وشكبان واصل
هذا خان وذاك غدار وجبح
مانفع چندوب أعدي.
الطيحت حكي لجلهم وسفه
خانوا ليش ودي.
صوچي ماخذت النصيحي
وشكثر وصلني جدي.
گال يبني ريض شويه
وتأنه كون تأخذ رأي عندي.
لا تصاحبلك چذوب ولا منافق
لا طمع باچر يندي.
.
.
محمــــــــــد الضاحي ✍

هي دنيا شكثر كلفه
دوم عجلة وغركت
بدموع خدي.
مرت أيام وليالي شلون
ردها هم يرد الماي
من كونك
تبدي.
وإنت چالي وزاد خنياب
الغدر كله كباحه
وشتظن
هم نفع سدي.
وفاظت الوادم
طمع تأكل حرام وانت
شاخص مستقيم
تعيش حدي.
أحسب وشكبان واصل
هذا خان وذاك غدار وجبح
مانفع چندوب أعدي.
الطيحت حكي لجلهم وسفه
خانوا ليش ودي.
صوچي ماخذت النصيحي
وشكثر وصلني جدي.
گال يبني ريض شويه
وتأنه كون تأخذ رأي عندي.
لا تصاحبلك چذوب ولا منافق
لا طمع باچر يندي.
.
.
محمــــــــــد الضاحي ✍

والله مشتاقين شو طال الغياب
هم ترد لو منك انأيس بعد.
انت من يوم الرحت صار المصاب
لا فرح مر وصدك شفنه السعد.
الهموم ترادفن هبن كريح
وأنه ناطر جيتك وذاك الوعد.
اليمه ولفه يعيش بل دنيا سعيد
حلوة مره صح ولكنها برغد.
ولي مثلي صار ظيم بمشتها
عشعش بجوفه الحزن دك وکعد.
والوكت راواني بعدك چم عذول
سولف بلا مستحه وبيه جرد.
محمــــــــــد الضاحي ✍

إلى من ينطبق عليه
اتقي شر من أحسنت إليه
...................................
كلهم جربتهم وسفه مغشوشين
ولابيهم شهم صح للحمل شيال.

الرجل شيمه وشهامه كون من تنخاه
من هذا تعرف الذكر والرجال.

تجف وهديب يتمركز على الطيبات
مو كلمن ترهدن سجلوله أفعال.

يوفي من يواعد يعتني للزود
ماثنه عليهه الچلمه من تنگال.

كبل كالوا مخابر صيتهم لبعيد
واصل مو مناظر هسه شفنه أشكال.

المنافق محترم يتصدر الديوان
وبذيول المجالس صاير الخيال.

غمهه الدنيا تجفي نچلت چم حيد
صكت بوبها وتحاوطتهه اقفال.

بعدنه بخير لسه وظن شفت الخير
عليش اتعطلت من هيست بل مال.

كالولي تأنه هواي مابي زود
كلتلهم اجربه وموش باول فال.

وجربتك چير وبين المظموم
ورديت اتمظحك نفس هل منوال.

منك ايست ماتوفي اعرفك زين
بأول خطوه تجفي شلون تمشي أميال.

انا رأيد صديج وتلعه صيته بطيب
يشد حزامـــــ أصيل ويشترك بالحال.

موش حزام بردي يفشل العوان
أريده بثجيله عمي إليه وخال.

هسه انت عرفت الرايده بيمناي
إذن مو بس طرب كل ساعه اجر موال.

محمــــــــــد الضاحي ✍

والله مشتاقين شو طال الغياب
هم ترد لو منك انأيس بعد.
انت من يوم الرحت صار المصاب
لا فرح مر وصدك شفنه السعد.
الهموم ترادفن هبن كريح
وأنه ناطر جيتك وذاك الوعد.
اليمه ولفه يعيش بل دنيا سعيد
حلوة مره صح ولكنها برغد.
ولي مثلي صار ظيم بمشتها
عشعش بجوفه الحزن دك وکعد.
والوكت راواني بعدك چم عذول
سولف بلا مستحه وبيه جرد.
محمــــــــــد الضاحي ✍

وثق اخي الغالي

طبعي سيف ومارضيت بذله يوم
العرگه تتنومس نشيل احسامها

الدنيا مابيها فرح بالك تزوغ
هواي وادم تاجرت بسلامها

مثل خنجر للغدر مصنوع اكيد
لا يغرك من نشر وعلامها

وكت والوادم تريد أهل النفاق
يظهر الدوني ورجال الظامها

العگل بي رحمه من ربأ جليل
وناس ماتبعد نظر جدامها

الأرض من تزرها طيب تصير خير تحصد بواهس مبارك عامها

الساحج دروب الشهامه وكله زود وعرب للتالي هو حزامـــــها

المايداري الخوه بالدنيا غشيم
مفلس ومامش ربح من سامها

چلمة العفيه تريد البي وفاء
بيت طيب وبخت عنده ولامها

و الخدم ربعه يظل بيرغ
شموخ
فوك رأس أهل الفخر وزلامها

الطيبه زود ومرجله وبيها صفاء نيه بيضه ويتنومس خامها
محمــــــــــد الضاحي ✍ ✍

الدنيه ضيكه وبالك اطخلهه راس
يابنادم زين حسب احسابها
خلت الجرناس مايكدر يطير
وشيخت فؤك الصكور اغرابها
تريد توصل للقمم تأخذ شموخ
النصه يم رأس الجبال
شيابها
فرق بين الواجف وبين اليسير
وبين طب للحومه شم عطابها
وبين سولف سالفه ومامش الدليل
وبين يوم الفزعه هو
الطابها
عدنه وادم للستر تتعنه دوم
والمجالس تفتخر وتهابها
ملحه بيها ومدرسه تلعه ويطيب
قدوه وحچايه بخت شيابها
الزمن غدار ماعنده صديج اتعنه لهل الغانمات وعابها
شيم أبن الشر يحط للنار زيت
يفتخر بين الخلك حطابها
تحاوطتنه وجوه جبحه وعدهه رأي تريد تشبع من دمانه بنابها
شوف مو چانت ارضنه الكلها خير هسه مامش فرهدتنه احزابها
محمــــــــــد الضاحي ✍

قصيدة الدنيا
...........................
الدنيه ضيكه وبالك اطخلهه راس
يابنادم زين حسب احسابها.

خلت الجرناس مايكدر يطير
وشيخت فؤك الصكور اغرابها.

تريد توصل للقمم تأخذ شموخ
النصه يم رأس الجبال شيابها.

فرق بين الواجف وبين اليسير
وبين طب للحرب شم عطابها.

وبين سولف سالفه ومامش الدليل
وبين يوم الفزعه هو الطابها.

عدنه وادم للستر تتعنه دوم
والمجالس تفتخر وتهابها.

ملحه بيها ومدرسه تلعه ويطيب
قدوه وحچايه بخت شيابها.

الوكت يغدر بل وفي وماله صديج
اتعنه لهل الغانمات وعابها.

شيم أبن الشر يحط للنار زيت
يفتخر بين الخلك حطابها.

تحاوطتنه وجوه جبحه وعدهه
رأي تريد تشبع من دمانه بنابها.

شوف مو چانت ارضنه الكلها
خير هسه مامش فرهدتنه احزابها.

محمــــــــــد الضاحي ✍