الموقع الرسمي لقبائل بني عُقيل - عكيل

الموقع الرسمي لقبائل بني عُقيل - عكيل (http://www.banyoqail.com/vb/index.php)
-   منتدى قصائد وأشعار بني عُقيل (http://www.banyoqail.com/vb/forumdisplay.php?f=12)
-   -   اشعار شعبيه (http://www.banyoqail.com/vb/showthread.php?t=9827)

الشاعر محمد ضاحي العكيلي 26-07-2017 02:39 AM

اشعار شعبيه
 
المصايب وين تاليهن بياون
بكثر دولابهن صاير بياون
رچيچ وهبشن گلبي بياون
(وتعشت طايفة شمات بيه )
محمدالضاحي

المصايب حملن كلهن ويني
بمواگد چيمن روحي ويني
صرت لاني أنس عاجل ويني
( سردت الثوب محد نشد بيه )
محمدالضاحي

مثل السيل عل وجنات يروان
دمعي عليه يوم الشال يروان
حبيبي الچان اله شفتين يروان
(ضماي ابدأ فلا مر عطش بيه )
محمدالضاحي

بلحن ناي المفارج تنشد الهه
حواسي بتوت گلبي تنشد الهه
العله البيه صارت تنشد الهه
(طوايف مالگت دكتور اليه )
محمدالضاحي

بلحن بس يا تعالو دوم تنشاد
عيوني للمشه وللراد تنشاد
عليك وصعب حلهه حبال تنشاد
(أعلى ودك يالكطعت الوصل بيه )
محمدالضاحي

الشاعر محمد ضاحي العكيلي 26-07-2017 02:45 AM

گال
سولف عل ولف واذكر وصافه
كتله أعجز هاشوصف عشر مااوصل حسافه

گال شعره

كتله أسود ليل هندس چن حرير يطير من يلمس ردافه

گال وجهه

كتله مثل الگمر من يصبح هلال وينجعل فاز الي
شافه

گال عينه

كتله عينه حوار بيهه شوك أحس بيهه ولطافه

گال خده

ترف گتله اه يامسكت خديده وبخدوده اجتمعت كلهه
الترافه

گال شفته

كتله تين وعسل ينظح من شفافه

گال صدره

كتله احس چنه مقام ويأخذ مراده الي طافه

گال خصره

كتله خصره من الرشاقه تكول چن اسنين يوسف
مجبله أعلينه بعجافه
شطب من يمشي يتمايل والخصر مملي نحافه

رد عليه وگال كلبه

لو دليله ملثك ومابي نظافه
كتله لابلاه نظيف التسامح شيمته والبغض عافه

گلي هم يهواك ولفك

كتله يهواني بشراهه والوجبلت أعليه يذوب يموع
كلش كبل لا أوصل مسافه

كافي لاتنشد
بعد يعجز لساني
واللسان بزلته تصبح كلافه

ريض أتهده
أعلى هونك شوف
زين والحكم نطلب انصافه

محمدالضاحي

الشاعر محمد ضاحي العكيلي 26-07-2017 03:04 PM

روحي من النوايب شن عليهه
حرابه الوگت غبره شن عليهه
مچدره ومانفعهه شن عليهه
( مواگب تلطم وعاشور بيه )
محمدالضاحي

روحي العله صارة ويعه بيهه
تفرغ هم حزنهه ويعبيهه
الدهر فرهد سترهه وي عبيهه
( فرع وتناجي ربهه الغوث هيه )
محمدالضاحي

نعئ الحادي قصيدة من نشدهه
رحل وظعونه سارن من نشدهه
متت والموت بعده من شدهه
( راضي وخل قيامه تقوم بيه )
محمدالضاحي

الطرشتصنت الروحي لهاون
تاهت ماأعرفت نيه لهاون
سحل دنياي يابتني لهاون
( كحل لعداي مني تريد هيه )
محمدالضاحي

الشاعر محمد ضاحي العكيلي 26-07-2017 03:07 PM

كتب الشاعر المبدع الشاعر عبد الرحمن الحجامي ابن سوق الأدب الشعبي
سوق الشيوخ على موقف مر به بيت ابوذيه
قبل بظع سنوات يقول فيه

الدهر عشعش بهم وضيم چلباي
ياروحي تحزمي بل صبرچلباي
بكيت انه وحيد بطرك چلباي
(واخوتي تكترو شمات اليه )
عبد الرحمن الحجامي
وبعث لي في ورقه حيث كان لاتوجد
هذه التقنيه ووسائل التواصل الاجتماعي
فكان الرد مني

اذا دهرك يهشهش ضيم چلباك
گص أيدي وحكمني عدام چلباك
زين انت بكيت بطرك چلباك
(انه چلبي وي أخوتي أصبح عليه)
محمدالضاحي

أبدع الشاعر الغالي والعزيز
ابو حيدر الغراوي
يروحي حيل بهل الزود ...چلباي
شحيح الوفه بس ماخان ...جلباي
اخوي لگتله هاك الروح...چلباي
(شچ رمحه وطلع معبار بيه )

أبدع الغالي
خالد المياحي
تعال وشوف ضيم وقهر جلباي
وبيهم جلبت مافاد جلباي
انا توقعت يطلع عون جلباي
(اشو ويه العدو ينبح عليه)

أبدع الغالي
رزاق الوسام الجبوري
الله ابداع.
دگ اوتاد موش تصير چل باه
حبل الوصل بيدك حيل چلباه
صفه ساري وحيد بطرگ چلباه
(الچلب وافه ولا وافه خوية)

الشاعر محمد ضاحي العكيلي 26-07-2017 03:20 PM

الحزن بأهات من كل كتر يلداي
رچيچ وماحمل الاسواط يلداي
دخيل الله شلك وياي يلداي
( عليل وفوكهه شليت أديه )
محمدالضاحي

الحزن ماترك روحي بعده أبيه
اكرهتهه حيل ماظن بعد ابيهه
طفلة وتنعى صارت بعد أبيه
( هيچ أنه الليالي اعملت بيه )
محمدالضاحي

الحزن بأهات من كل كتر چل چل
ومتني مايشيل الحمل چل چل
صرت محتار بأرض أجناب چل چل
( فكدله اخوان والعدوان ميه )
محمدالضاحي

اليوعظ لا يجرح الناس بعظاه
عيب يساوي العدوان بعظاك
الهظم لو شاف يوم الظيج بعظاه
( چا روحه فداهه وعيب عيه )
محمدالضاحي

الشاعر محمد ضاحي العكيلي 26-07-2017 03:31 PM

جرشني وگام يطحني براحاه
وون هل ليل يل نايم براحاه
بعد شيفيد أرد احاه براحاه
(على الراح وترك هل اه بيه )
محمدالضاحي

أبدع الأخ الشاعر
صادق البديري

كلف ماضن تلمه اخيوط يرحاي
عليك وبيه گام اتلوچ..... يرحاي
گضتني وبگن بس اطروف يرحاي
گرظ....وانه ابرچاك اترد اليه

..صادق البديري

الشاعر محمد ضاحي العكيلي 26-07-2017 03:33 PM

مثل السيل عل وجنات يروان
دمعي عليه يوم الشال يروان
حبيبي الچان اله شفتين يروان
(ضماي ابدأ فلا مر عطش بيه )
محمدالضاحي

أبدع الغالي والعزيز
أحد أعمدة ميسان الشاعر الأستاذ
عبد الحسين البهادلي
دموعي من رحل لليوم يروان
وبدل ما يدك كلبي أعليه يروان
عيوني ما أظن بغيرة يروان
(أعمة خلافة ويكودون بية)

الشاعر محمد ضاحي العكيلي 26-07-2017 04:00 PM

اريد اليوم اصب دمعي وهمله
ولا بيه أبتعد عنه وهمله
صديجي الچنت احسبله وهمله
(عجب دار الويه غفله عليه )
حسن العكيلي
وكان الرد مني

أنصحك لاتصب دمعك تهم له
وجدمك موش كل صاحب تهم له
خويك لو زعل بالك تهم له
(أهو بيوم الزماط البي حميه )
محمدالضاحي

الشاعر محمد ضاحي العكيلي 26-07-2017 07:10 PM

بطلت ممشه الحيل گمت أمشي بهداي
عن لا يحس شمات متخالف وياي

محمدالضاحي

أبدع الغالي
بطلت ممشه الحيل كمت امشي بهداي
لمن جفاني وراح گمت اشرگ بماي

احمد آل وذاح

أبدع الغالي
الله الله خال
بطلت ممشه الحيل خافن يسمعون
شماتي نگل جدام وتهل العيون
أبومحمد الزاملي

أبدع الغالي
بطلت ممشه الحيل تاته ارد اصيحن ؤدموعي يم شمات خلفن يطيحن
محمد الكريطي

أبدع الخال الغالي
بطلت مشمشة الحيل كمت امشي براض...
..عن لاشريج الروح من همتي يغتاض
الحاج كريم الساعدي الصخراوي

الشاعر محمد ضاحي العكيلي 26-07-2017 07:13 PM

كف اترك الغربيل بطل ولك هيد
الما ثبت وياك يوفيلك تريد
محمدالضاحي

حط روحك بغربال ونخل بل هموم
لن مامش أمن عضاك يوفيلك اليوم
محمدالضاحي

ليش اگره الغربيل فنكم تردون
لن ذرب ماظل بيه وينشف العيون
محمدالضاحي

ليش اگره الغربيل فنكم تردون
طاح الچنت تنخاه يفزعلك بگون
محمدالضاحي

ليش اگره الغربيل فنكم تردون
الاخو الچان البيه تالي أصبح يخون
محمدالضاحي

ليش اگره الغربيل فنكم تردون
لن طاحو المفروض چانو يوافون
محمدالضاحي

لا تهز بعد غربيل يمحمد ارجاك
امحلت ماضلاش كل واحد وياك
محمدالضاحي

ضميته حفنه سنين طلعته مره
غربيلي مايهداش سواله عره
محمدالضاحي

أبدع الأخ الغالي
ليش أكره الغربيل فنكم تردون
غربلت بيه اعزاز رد بس العيون
ابو مصطفى الصالحي

أبدع الخال
يفتر علي شيريد لازمله غربيل
والدهر ماخلاش هز ربعي بالليل
ابو وليد الشويلي

أبدع الغالي
غربلت باالصدگان المنهم اصحاح
طاحو الف ياحيف هيـï*» من الاصفاح

غربلت مو صدگان غربلت اخوتي
المنتكل انه اعليه يتمنى موتي

ربعي انه مظبوطين من غربلتهم
ماطاحو. اعله الگاع طارو شفتهم

غربلت باالصدكان ربع الربع ضل
والربع منهم ضال مابيه الافضل

غربيلي وكت الضيج مااريد اهزه
خافن يطيح بساع ذاك الاعزه

سلام جباري الصيادي

أبدع الغالي الخال
خلف الله عل الغربيل صفالي الحتات
...لاينفع بغزلات ..طاويته حسجات
الحاج كريم الساعدي الصخراوي

أبدعت الأخت
حطيتة بالغربيل كلمن كلت زين..
غربيلي ما مزروف جا طاحو منين...

ما راح أهل غربيل خايف اهزة. ..
من عندة راح يطيح وين الاعزة. .
شيخة وبنت شيوخ

أبدع الغالي
طاحتلي كومه اصحاب منك يغربيل
وكل هذا ماكوليش انت الـ تره تعيل
احمد آل وذاح

أبدع الغالي
غربلت بالغربيل ربعي واخوتي
طاحو الف ياحيف جانو نخوتي
حسين الشذراوي

أبدع الغالي
ماهزه انه الغربيل ماريداهزه
خافن تكع خلان ليهم معزه
ابو مصطفى الكوتي

مساجلة الغربيل
( دارمي )

كف اترك الغربيل بطل ولك هيد
الما ثبت وياك يوفيلك تريد
محمدالضاحي

حط روحك بغربال ونخل بل هموم
لن مامش أمن عضاك يوفيلك اليوم
محمدالضاحي

ليش اگره الغربيل فنكم تردون
لن ذرب ماظل بيه وينشف العيون
محمدالضاحي

ليش اگره الغربيل فنكم تردون
طاح الچنت تنخاه يفزعلك بگون
محمدالضاحي

ليش اگره الغربيل فنكم تردون
الاخو الچان البيه تالي أصبح يخون
محمدالضاحي

ليش اگره الغربيل فنكم تردون
لن طاحو المفروض چانو يوافون
محمدالضاحي

لا تهز بعد غربيل يمحمد ارجاك
امحلت ماضلاش كل واحد وياك
محمدالضاحي

ضميته حفنه سنين طلعته مره
غربيلي مايهداش سواله عره
محمدالضاحي

أبدع الأخ الغالي
ليش أكره الغربيل فنكم تردون
غربلت بيه اعزاز رد بس العيون
ابو مصطفى الصالحي

أبدع الخال
يفتر علي شيريد لازمله غربيل
والدهر ماخلاش هز ربعي بالليل
ابو وليد الشويلي

أبدع الغالي
غربلت باالصدگان المنهم اصحاح
طاحو الف ياحيف هيـï*» من الاصفاح

غربلت مو صدگان غربلت اخوتي
المنتكل انه اعليه يتمنى موتي

ربعي انه مظبوطين من غربلتهم
ماطاحو. اعله الگاع طارو شفتهم

غربلت باالصدكان ربع الربع ضل
والربع منهم ضال مابيه الافضل

غربيلي وكت الضيج مااريد اهزه
خافن يطيح بساع ذاك الاعزه

سلام جباري الصيادي

أبدع الغالي الخال
خلف الله عل الغربيل صفالي الحتات
...لاينفع بغزلات ..طاويته حسجات
الحاج كريم الساعدي الصخراوي

أبدعت الأخت
حطيتة بالغربيل كلمن كلت زين..
غربيلي ما مزروف جا طاحو منين...

ما راح أهل غربيل خايف اهزة. ..
من عندة راح يطيح وين الاعزة. .
شيخة وبنت شيوخ

أبدع الغالي
طاحتلي كومه اصحاب منك يغربيل
وكل هذا ماكوليش انت الـ تره تعيل
احمد آل وذاح

أبدع الغالي
غربلت بالغربيل ربعي واخوتي
طاحو الف ياحيف جانو نخوتي
حسين الشذراوي

أبدع الغالي
ماهزه انه الغربيل ماريداهزه
خافن تكع خلان ليهم معزه
ابو مصطفى الكوتي

حيل اكره الغربيل ماكظه بيدي
جي ربعي يم شمات نعلو جديدي

غربيلي ازغيرون وصدكاني هواي
منكم اريد الشور عدكم الي راي

ماكض بعد غربيل ماغربل اخوان
مثل اليكول ابصيف خويه انه بردان

غربلني انه الظيم وشتد هواها
ادنيه بيه اتحوس شامت وراها

يابويه مو غربيل غربلني وكتي
ونوبه حط سجين حته بركبت

شنهوه الغربيل وتهز يبو فلان
من ربعك اشخليت تمشي ويعميان

غربل بربعك حيل لا تامنلهم
ربعي انه اثنيوين حصلت منهم

صبحت للغربيل ياروحي هيدي
ياهو الاحطه يطيح من هزت ايدي

غربلت ما خليت حته الزعاطيط
جن ساري بلغربيل نطت نواطيط

حطاني بالغربيل وكتي ويغربل
اده التحيه وكال جنك فحل بل

بقلمي

نايف العكل

ليش اكره الغربيل فنكم تردون
يطلع الغشاش والماله مضمون

ليش اكره الغربيل فنكم تردون
من عيونه كام عضاي كل ينزلون

ليش اكره الغربيل فنكم تردون
يكشف خبايا الناس ويميز اليخون

ليش اكره الغربيل فنكم تردون
هان بسبب عيناه الماضنتي يهون

عاتبته كتله شبيك غربيلي وياي
تهز عكس ظليت وتطيح اعضاي

لسان حال الغربيل
صدكني ماهزيت لا رجفن اكتار
وعيوني ضيگه هواي بس ربعك ازغار
بقلم
احمد ذياب الحجامي

ليش اكره الغربيل فنكم تردون
من زروفه طاحو ناس وگبله من لعيون

غربلت ما خليت كل ربعي طاحو
ماعاتبت ومشيت بذاته صاحو

هديل عبد لامير

ليش اكره الغربيل فنكم تردون
بينلي كومه اصحاب كل ضني يوفون

ابوفاطمه العراقغŒ
ردت انخل الخوان وأعرف عضيدي
طاحو گبل ماشيل غربيلي بيدي
منقول

شكد اكره الغربيل ماودي اهزه
خسرني حتى الزين والچنت اعزه
منقول

حط ربعك ابغربيل هزه انته بيدك
هزه معيدي أو كون يبقه اليفيدك
مرتضى ال صالح الخاقاني


الساعة الآن 01:03 PM

Powered by vBulletin® Version 3.8.7
Copyright ©2000 - 2019, Jelsoft Enterprises Ltd SysArabs
جميع الحقوق محفوظة لمنتديات قبائل بني عقيل

This Forum used Arshfny Mod by islam servant